O 2 de abril é unha data senlleira, especial. Unha data para lembrar, xa que neste día naceu un dos autores de contos máis importantes destinados sobre todo aos nenos e nenas, Hans Christian Andersen. Por iso, o 2 de abril é o Día Internacional do Libro Infantil. Neste 2018, o cartel foi responsabilidade do ilustrador Reinis Petersons e da escritora Inese Zandere, poeta, editora e activista da promoción da lectura quen nos manda unha poderosa mensaxe: Os libros fan grande o máis pequeno.
Nós celebramos hoxe o Día Internacional do Libro Infantil coa lectura en todos os cursos do álbum ilustrado O lápis máxixo de Malala, escrito por Malala Yousafzai, a quen se lle concedeu o Premio Nobel da Paz no ano 2014, cando tiña só 17 anos, e onde nos conta a súa propia historia. Trátase dunha xoia literaria que nos permite coñecer a dura vida desta moza paquistaní dun xeito sinxelo e tenro.
Malala é unha loitadora na defensa dunha educación para nenos e nenas, con especial énfase na educación destas últimas. Máis de centro trinta millóns de nenas non poden ir á escola! Por iso son tan necesarias moitas Malalas no mundo.
O libro tivo moi boa acollida entre o noso alumnado e permitiunos reflexionar sobre diversos aspectos como a sorte que temos de estar nun país onde nenos e nenas poden ir todos xuntos á escola.
Un álbum que remata dun xeito emocionante: "Un neno, un mestre, un libro, un caderno e un lapis poden mudar o mundo."
Debuxemos con palabras os nosos desexos sempre para abrir as portas que nos ofrecen libros coma o de Malala Yousafzai.
Nós celebramos hoxe o Día Internacional do Libro Infantil coa lectura en todos os cursos do álbum ilustrado O lápis máxixo de Malala, escrito por Malala Yousafzai, a quen se lle concedeu o Premio Nobel da Paz no ano 2014, cando tiña só 17 anos, e onde nos conta a súa propia historia. Trátase dunha xoia literaria que nos permite coñecer a dura vida desta moza paquistaní dun xeito sinxelo e tenro.
Malala é unha loitadora na defensa dunha educación para nenos e nenas, con especial énfase na educación destas últimas. Máis de centro trinta millóns de nenas non poden ir á escola! Por iso son tan necesarias moitas Malalas no mundo.
O libro tivo moi boa acollida entre o noso alumnado e permitiunos reflexionar sobre diversos aspectos como a sorte que temos de estar nun país onde nenos e nenas poden ir todos xuntos á escola.
Un álbum que remata dun xeito emocionante: "Un neno, un mestre, un libro, un caderno e un lapis poden mudar o mundo."
Debuxemos con palabras os nosos desexos sempre para abrir as portas que nos ofrecen libros coma o de Malala Yousafzai.
Ningún comentario:
Publicar un comentario