DÍA DAS LETRAS GALEGAS (I)

Este ano a persoa homenaxeada no Día das Letras Galegas é Ricardo Carvalho Calero, historiador da literatura, crítico literario, filólogo e escritor, que dedicou a súa vida a dignificar o idioma e a cultura galegas.
Para dar a coñecer a súa figura elaboramos un díptico e... algo máis. De momento deixámosvos con el.

ANTÍA YÁÑEZ

Hoxe tiñamos preparado un encontro con Antía Yáñez. Co alumnado de 2ºESO falaría do seu libro O misterio do torque de Burela e co de 3º e 4º do Club de lectura sobre Senlleiras. A situación actual fixo que non puidera ser, pero estamos seguras de que pronto estará con nós. Mentres, recordaremos a agradable visita que nos fixo hai dous anos e na que comentamos O misterio de Portomarín, obra sobre a que o alumnado que naquel entón cursaba 1º realizou un booktrailer.

Antía Yáñez na nosa biblioteca en maio de 2018.