DÍA MUNDIAL DA POESÍA

Este ano decidimos coñecer un pouco máis e homenaxear a cinco poetas de Fisterra, poñendo voz aos seus poemas. Carla, de 4º ESO, foi a encargada de facelo nesta montaxe que esperamos que vos guste.

LITERATURA CON SELO FISTERRÁN

Dende a biblioteca tentamos dar visibilidade ao talento local no eido da cultura. O Concello vén de agasallarnos con dous libros de autores fisterráns: o poeta Alexandre Nerium, e o escritor e cronista local Roberto Traba Velay. No primeiro caso trátase da recente publicación Ara do mar. Poesía a Fisterra, antoloxía na que participaron máis de 200 autores e autoras e da que Alexandre Nerium foi coordinador; no segundo do libro Ola miña bonita, na que o autor combina ficción, historia e persoeiros da época da ocupación francesa con outros personaxes creados.
Animádevos a lelos!!

Podedes atopalos na nosa biblioteca!!

DÍA INTERNACIONAL DA MULLER

Onte celebramos o Día Internacional da Muller cun concerto, organizado polo Concello, do grupo The Tetas' Van, que interpretou versións en galego de temas coñecidos, reivindicando a igualdade plena, a liberdade de expresión e a importancia do papel das mulleres na sociedade. Pero non foi a única actividade: tamén elaboramos un mural-homenaxe ás Mulleres da nosa vida con fotografías cedidas por alumnado ou exalumnado e, como non, recomendamos lecturas sobre o tema nun expositor á entrada do centro.

 

Ver imaxes