Chegou Samaín!! Dende a biblioteca convocamos varios concursos: de curtametraxes, microrrelatos e cómic, co terror como tema para todos eles. No recreo animámonos a pasar medo coas curtas que se proxectaron na biblioteca e puidemos botar unha ollada ás lecturas de terror expostas ao carón do mural da entrada do centro.
O noso Club de lectura comeza a súa actividade! As máis madrugadoras este ano foron as rapazas de 2º ESO, que o luns ao mediodía quedaron para falar de Europa Express, un libro que a propia Andrea Maceiras, a súa autora, lles recomendou no encontro celebrado con ela na biblioteca o curso pasado. O próximo luns no recreo será a quenda do grupo de lectura cómic e manga tamén de 2º ESO, con Heartstopper 1,... e durante os recreos dos mércores e venres seguirán os demais.
O día 24 de febreiro celébrase o Día das bibliotecas, este ano co lema "Tecendo comunidades" e un cartel deseñado por Nuria Riaza.
Como o celebramos nós? Entregando diplomas ás alumnas do Equipo de Voluntarias da Biblioteca, levando a cabo unha actividade lúdica de formación de usuarios para o alumnado de 1º ESO e amosando, a través dunha exposición con fotografías dalgunhas das actividades realizadas nela, como a nosa biblioteca se foi convertendo ao longo dos anos nese pequeno espazo de encontro e diálogo que é hoxe en día.
 |
| Voluntarias cos seus diplomas |
 |
| Alumnado de 1º ESO na procura do tesouro |
 | |||||||
| O equipo gañador |
E seguimos con máis premios literarios, neste caso o Premio Princesa de Asturias das Letras, que este ano vén de recibir o escritor Haruki Murakami, autor de novelas como Tokio blues, Kafka en la orilla e 1Q84, e dos particulares manuais De qué hablo cuando hablo de correr ou De qué hablo cuando hablo de escribir, entre outras obras.
Fotografía: Society for Culture, Art and International Cooperation Adligat
O Día das Escritoras é unha conmemoración promovida pola Biblioteca Nacional de España xunto á Federación Española de Mulleres Directivas, Executivas, Profesionais e Empresarias (FEDEPE) e a Asociación Clásicas e Modernas. Comezou a celebrarse no ano 2016 o luns máis preto da festividade de Teresa de Jesús, o 15 de outubro, e intenta poñer en valor o labor e legado das escritoras ao longo da historia.
Esta VIII Edición conta co comisariado da escritora Marta Sanz baixo o lema “O pracer, a alegría e a risa das mulleres”.
Nós fixemos unha exposición para coñecer un pouco máis a obra das escritoras galegas máis lidas por nós, que podedes atopar na entrada do centro.
Sonsoles Ónega proclamouse onte gañadora do Premio Planeta 2023 coa súa novela Las hijas de la criada, na que conta a historia dunha familia galega de mulleres empresarias, loitadoras e emprendedoras a principos do século XX.
 |
| Fotografía: El Confidencial |
Como cada 10 de outubro, hoxe celébrase o Día Mundial da Saúde Mental, este ano baixo o lema A saúde mental é un dereito universal.
Coa intención de sensibilizar e dar visibilidade a este tema, dende a biblioteca propoñémosvos tres lecturas e unha canción: Un elefante na sala de estar, de Berta Dávila; Non penses nun elefante rosa, de Antía Yáñez; El sueño de Berlín, de Ana Alonso e Javier Pelegrín; e No es egoísmo, interpretada por El Chojin e Rozalén.
Coidemos e protexamos a nosa saúde mental!
Na nosa biblioteca!
Pouco a pouco xa van chegando novidades á nosa biblioteca: música, bioloxía, matemáticas, literatura, manga... Achegádevos a coñecelas!!
