DÍA DA PAZ

Durante o recreo de hoxe inaugurouse o mural que dá visibilidade aos haikus pola paz realizados durante a semana pasada polo alumnado do centro en galego, castelán francés e inglés, mentres parte do alumnado de 2º ESO interpretaba coa flauta Imagine, de John Lennon. O espazo ocupado polo mural serviu como photocall para os diferentes grupos, que posaron así...

E non podían faltar as nosas recomendacións lectoras, esta vez protagonizadas polo alumnado do Club de lectura. 

CULTURA DA COSTA DA MORTE

Dende a biblioteca seguimos a dar visibilidade ás obras de autores e autoras da Costa da Morte. Nesta ocasión o libro é Atlántico Norte, chamádeme Ismael, de Xosé Iglesias, do veciño concello de Cee. Trátase do seu terceiro poemario, no que o autor fala de amor e soidade, "do que sentimos os mariñeiros, mariños ou navegantes solitarios cando deixamos terra e nos adentramos no mar", segundo as súas propias palabras.