DÍA DE ROSALÍA: UN POEMA E UNHA FLOR

Aínda que este ano o día dedicado a Rosalía de Castro non estabamos no instituto, non nos esquecemos de conmemorar o 183 aniversario do seu nacemento. Como? Como xa informamos noutra entrada do blog, asistimos a un espectáculo de Caxoto contacontos organizado polo Concello de Fisterra, e ademais, o venres pasado participamos nun kahoot con preguntas sobre a súa figura elaborado polo ENDL e hoxe agasallamos cunha flor feita por nós e un poema de Rosalía ao profesorado e alumnado.

 

MÚSICA E EVOLUCIÓN

Pablo Carpintero e Rosa Sánchez achegáronnos onte á música tradicional cun concerto didáctico no que descubrimos como algo tan diferente como noces, landras, bugallas, cornos de cabra, vinchas de ovella e incluso sachos ou tixolas!! poden converterse en instrumentos musicais. E é que, como explicou Pablo, a música e o son forman parte das nosas vidas dende o ventre materno...

Podedes ver imaxes e un vídeo-resumo do acto nos enlaces que están debaixo da foto.

Ver imaxes

Ver vídeo-resumo

DÍA DE ROSALÍA 2020

Hoxe asistimos no Salón de Actos do Concello de Fisterra ao espectáculo Unha noite no muíño, de Caxoto Contacontos, para celebrar que o vindeiro luns 24 será o día dedicado a Rosalía de Castro. Combinando música, poesía e narración oral, Felipe Díaz (Caxoto) fíxonos recordar versos de Rosalía de Castro, Manuel María e Celso Emilio Ferreiro, e a través de cantigas populares fixemos unha viaxe no tempo ata as festas dos nosos devanceiros... con baile incluído!!

Agradecemos ao Concello a organización desta actividade!

DÍA INTERNACIONAL DA MULLER E A NENA NA CIENCIA

O 11 de febreiro como Día Internacional da Muller e a Nena na Ciencia foi proclamado no 2015 pola Asemblea Xeral das Nacións Unidas coa fin de lograr o acceso e a participación plena e equitativa na ciencia para as mulleres e as nenas.

Cartel realizado por María del Álamo Ortega

Dende a biblioteca querémosvos propoñer varios libros que nos axudarán a coñecer os logros de diferentes mulleres científicas ao longo da historia: Mujeres de ciencia, de Rachel Ignotofsky; Las chicas son de ciencias, de Irene Cívico e Sergio Parra Castillo; Las astrónomas, chicas estrella, de Sara Gil Casanova; e Curie la atómica, de Esteban Rodriguez Serrano.
Esperamos que gocedes da súa lectura!!