martes, 19 de decembro de 2017

CHEGA O NADAL

Os dous grupos do Club de lectura Ghuaidelai tiveron onte unha comida conxunta para celebrar a fin do primeiro trimestre e da primeira lectura do curso. Despois duns bombóns e das deliciosas galletas elaboradas por Candela, preparamos unha actividade relacionada con cada unha das lecturas (Vaiche boa! e Chamando ás portas do ceo), que presentaremos despois das vacacións.




Bo Nadal a todas e todos!!!

venres, 15 de decembro de 2017

NOVIDADES

Para celebrar o Nadal elaboramos un mural con todas as novidades que foron chegando estas últimas dúas semanas á nosa biblioteca: ciencia, igualdade, aventura, cine, identidade sexual, ecoloxía...

Esperamos que vos gusten!!







O Nadal é unha boa época para a lectura!!

domingo, 10 de decembro de 2017

DÍA DOS DEREITOS HUMANOS

Hoxe celébrase o Día dos Dereitos Humanos, conmemorando a data na que a Asemblea Xeral das Nacións Unidas adoptou a Declaración Universal dos Dereitos Humanos, en 1948.
Dende a biblioteca queremos recomendar un libro, La aventura humana, unha recompilación de trinta contos populares procedentes de África, Asia e Latinoamérica, que corresponden a cada un dos artigos da Declaración de 1948.

Hai varios exemplares na nosa biblioteca!!

luns, 4 de decembro de 2017

OS DEREITOS DA INFANCIA

O día 20 de novembro, data do aniversario da Declaración Universal dos Dereitos do Neno en 1959, celebrouse o Día Universal do Neno. Este ano 2017 UNICEF animaba aos nenos e nenas de todo o mundo a prestar a súa voz para apoiar aos millóns de menores que, a diferenza deles, non poden ir ao colexio ou están desprotexidos. Por iso, algúns membros do Club de lectura gravaron ese día un vídeo, facendo así a súa pequena achega á difusión destes dereitos.
Velaquí está o resultado!!