O escritor, tradutor e académico Darío Xohán Cabana faleceu onte á noite aos 69 anos. Nado en Cospeito, na parroquia de Roás, foi un autor que explorou varios xéneros literarios, escribindo máis de 40 volumes. Entre as súas obras destacan as de carácter narrativo Galván en Saor, Fortunato de Trasmundi, O cervo na torre, entre outras, ou poemarios como Patria do mar ou Canta de cerca a morte. Escribiu tamén obras de carácter xuvenil como As aventuras de Breogán Folgueira ou As viaxes do Príncipe Azul, e traduciu ao galego grandes clásicos da literatura italiana. No ano 2006 entrou na Real Academia Galega ocupando a cadeira vacante producida polo pasamento de Manuel María.
 |
| Fotografía: Santos-Díez (Ollo de Vidro-ACAB) |
Ningún comentario:
Publicar un comentario