Hoxe o noso club de lectura Ghuaidelai rematou as reunións deste curso: nove meses cheos de actividades que xiraron arredor da lectura, unha das nosas paixóns. Durante este último trimestre o grupo de 1º e 2º leu A balada dos unicornios, de Ledicia Costas, novela chea de misterio e intriga, na que se enfrontan as forzas do mal e do ben nun mundo onde se mestura ciencia e fantasía. Polas súas páxinas circulan personaxes de todo tipo que se sitúan no Londres da época vitoriana: animais mitolóxicos como unicornios, xenios inventores, asasinos como Jack o Destripador...
O grupo de 3º e 4º rematou Costa do Solpor. O regreso da Illa do Tesouro, de Xosé Mª Lema Suárez e leu tamén O que eu creo (de todo), de Jordi Sierra i Fabra, no que o protagonista, o adolescente Xavier, fálanos en primeira persoa das súas inquedanzas, sentimentos, o amor, a amizade, a familia ... E, finalmente, o grupo de lectura manga seguiu fiel á serie The Promised Neverland, de Kaiu Shirai e Posuka Demizu, que os ten engaiolados/as, e leu o tomo 5 e o tomo 6, nos que comeza a tan esperada fuxida.
O grupo de 3º e 4º rematou Costa do Solpor. O regreso da Illa do Tesouro, de Xosé Mª Lema Suárez e leu tamén O que eu creo (de todo), de Jordi Sierra i Fabra, no que o protagonista, o adolescente Xavier, fálanos en primeira persoa das súas inquedanzas, sentimentos, o amor, a amizade, a familia ... E, finalmente, o grupo de lectura manga seguiu fiel á serie The Promised Neverland, de Kaiu Shirai e Posuka Demizu, que os ten engaiolados/as, e leu o tomo 5 e o tomo 6, nos que comeza a tan esperada fuxida.
Ningún comentario:
Publicar un comentario