CHARLA DE MONTSE FAJARDO

Para rematar as actividades levadas a cabo no centro relacionadas co Día da Muller, hoxe visitounos a escritora e xornalista Montse Fajardo, especialista en memoria histórica, que falou ao alumnado de 3º e 4º ESO do tratamento que o franquismo deu ás mulleres. Coñecemos a historia de mulleres encarceradas, recluídas en institucións mentais, a existencia de leis e sistemas educativos inxustos coas mulleres...

 

Esta charla está subvencionada polo premio Luisa Villalta da Deputación da Coruña. 

 

 

 

 

DÍA DA MULLER

Para celebrar o Día da Muller o alumnado colaborou de diferentes xeitos dende varias materias: elaborando carteis con oito razóns para celebrar este día; redactando recensións en inglés sobre mulleres salientables no mundo anglosaxón, e aportando imaxes de mulleres do seu entorno para continuar coa iniciativa comezada hai uns anos "As mulleres da nosa vida", unha exposición na entrada do centro que intenta poñer en valor a importancia do labor desempeñado polas mulleres.

Asemade, á entrada da biblioteca expuxemos parte dos fondos adicados ao feminismo e publicamos un díptico coas nosas propostas.