Hoxe falecía en Los Ángeles un dos escritores lidos por nós en varias ocasións ao longo destes anos no club de lectura: Carlos Ruiz Zafón. Nacido en Barcelona, cidade que se convertería nun personaxe máis das súas novelas, publicou a súa primeira obra, El príncipe de la niebla, en 1993, coa que gañou o Premio Edebé de narrativa xuvenil. Foi a primeira novela da denominada "Trilogía de la Niebla", da que tamén forman parte El palacio de la medianoche e Las luces de septiembre. Despois escribiría Marina, tamén de carácter xuvenil, e na que xa cobra importancia Barcelona como parte da trama. En 2001 publicou a súa primeira novela "para adultos", La sombra del viento, que foi finalista ao premio Fernando Lara 2000. Convertida nunha das novelas españolas máis vendidas no mundo é a primeira da tetraloxía "El cementerio de los libros olvidados", que tamén contén El juego del ángel, El prisionero del cielo y El laberinto de los espíritus.
 |
| Club de lectura Ghuaidelai e Marina, de Carlos Ruiz Zafón - Decembro 2014. |
“Cada libro, cada tomo que ves, tiene alma. El alma de quien lo escribió, y el alma de quienes lo leyeron y vivieron y soñaron con él.” La Sombra del Viento.
